سەرۆک بارزانی شاندێکی باڵای پارتی دەنێرێتە هەڵەبجە

ئاڤا نیوز

 

سەرۆک مەسعود بارزانی، شاندێکی باڵای پارتی بەسەرۆکایەتیی سیداد بارزانی، ئەندامی دەستەی کارگێڕیی مەکتەبی سیاسیی پارتی، ڕەوانەی هەڵەبجە کرد، بەمەبەستی پشتیوانیکردن و هەڵمەتی بانگەشەی هەڵبژاردن بۆ لیستی پارتی.

 

لێدوانی فەرمی: لە گوتارێکی جەماوەریدا، سیداد بارزانی ڕۆڵی هەڵەبجەییەکانی بەرزنرخاند لە شۆڕشەکانی ئەیلوول و گوڵاندا، هەروەها ڕەخنەی لە کەمی خزمەتگوزاری و نەبوونی پڕۆژەی نوێی گرت لە شارەکەدا.

سیداد بارزانی جەختی لەوە کردەوە، تەنها پارتی دەتوانێت خزمەتی پێویست بە هەڵەبجە بکات و بەڵێنی دا پارتی خزمەتی هەڵەبجە بکات و "ساڕێژی برینەکانی" بکات.