دانا عەبدولكەریم: بڕیارەکانی جڤاتی نیشتمانیی گۆڕان بۆ کشانەوە لە حکومەت پووچەڵن

ئاڤا نیوز

 

ناکۆکی لە نێوان دوو باڵەکەی گۆڕان بەردەوامی هەیە و هەردوولا یەکتری بەوە تۆمەتبار دەکەن کە نا پەیڕەوییان کردووە،

 

لێدوانی فەرمی: دانا عەبدولكەریم، وەزیری ئاوەدانكردنەوە و نیشتەجێكردن لەسەر پشكی گۆڕان و لە باڵی کوڕانی نەوشیروان مستەفا، لە کۆنگرەیەکی ڕۆژنامەوانیدا ئاماژەی بەوە دەدات: ئەو دوو بڕیارەی جڤاتی نیشتمانیی گۆڕان داویەتی بۆ کشانەوە لە حکومەت پووچەڵە.

دانا عەبدولكەریم، باسی لەوەشکرد: جڤاتە تازەکە کە مەکۆیان ئێستا لە گەڕەکی کوردساتی سلێمانییە، تەنیا بە 11 ئەندام كۆبوونەتەوە و بڕیارەكانیان پووچەڵە، جڤات 31 ئەندامی هەیە و زۆرینەیان لە كۆبوونەوە و بڕیارەكان بەشدار نەبوون.