ئاڤا نیوز ناوی بەربژێرەکان بۆ پارێزگاری سلێمانی و قایمقامی هەڵەبجە ئاشکرا دەکات

ئاڤا نیوز

یەکێتی و گۆڕان لەبارەی ئاڵوگۆڕکردنی پۆستەکانی سلێمانی و هەڵەبجە ڕێكکەوتوون؛ بەجۆرێک پارێزگاری سلێمانی و قایمقامی هەڵەبجە بۆ یەکێتی، پارێزگاری هەڵەبجە و قایمقامی سلێمانیش بۆ گۆڕان.

زانیاریی تایبەت: بەربژێرەکانی یەکێتی بۆ پۆستی پارێزگاری سلێمانی پێکهاتوون لە، ئاوات محەممەد، قایمقامی ئێستای قەزای ناوەندی سلێمانی و شاهۆ عوسمان، جێگری پارێزگاری سلێمانی. 

زانیاریی زیاتر: نوخشە ناسیح، قایمقامی ئێستای هەڵەبجە لە پۆستەکەی لەسەر پشکی یەکێتی بەردەوام دەبێت. 

لێدوانی فەرمی: تەلار لەتیف، بەرپرسی کاروباری یاسایی یەکێتی بۆ ئاڤا نیوز پشتڕاستی کردەوە لەگەڵ گۆڕان باسی گۆڕانکارییەکانیان کردووە.

بۆچوونی بەرامبەر: کاوە عەبدوڵڵا، بەرپرسی ژووری حکومەتی بزووتنەوەی گۆڕان بە ئاڤا نیوزی ڕاگەیاند: پابەند دەبین بە ڕێککەوتننامەی ساڵی 2014ـی نێوانمان و لای ئێمە هێڵی سوور لەسەر هیچ پۆستێک نییە.

باکگراوند: ساڵی 2014 دوای هەڵبژاردنی ئەنجوومەنی پارێزگاکان، یەکێتی و گۆڕان ڕێککەوتن دوو ساڵ بە دوو ساڵ پۆستەکانی سلێمانی و هەڵەبجە بەڕێوەببەن، تاوەکو ئێستاش تەنها یەکجار پۆستەکان ئاڵوگۆڕ کراون.