مقاوەمەی عێراق جارێکی دیکە هێرش دەکاتەوە سەر ئیسرائیل

ئاڤا نیوز 

 

جارێکی دیکەی مقاوەمەی ئیسلامی عێراق بە درۆن هێرشیکردە سەر ناوچەیەکی ئیسرائیل.

 

وێنە گەورەکە: سەرەڕای بەردەوامی هەوڵەکانی حکومەتی عێراق بۆ دوورخستنەوەی وڵاتەکە لە گرژییەکان، بەڵام گرووپە چەکدارەکان لە خاکی عێراقەوە بەردەوامن لە هێرشکردنە سەر ئیسرائیل.

 

ڕاگەیێنراوی فەرمی: مقاوەمەی ئیسلامی عێراق ڕایگەیاند، ئەمڕۆ دووشەممە پێگەیەکی گرنگی ئیسرائیلیان لە ناوچەی غور بە درۆن کردووەتە ئامانج، جەختیش لە بەردەوامی هێرشەکانی دژی ئیسرائیل دەکاتەوە.

 

ئەوەی پێویستە بیزانیت: بەردەوامی هێرشی گرووپە چەکدارەکانی عێراقی بۆ سەر ئیسرائیل مەترسی کاردانەوەی ئەو وڵاتەی زیاتر کردووە، بەشێک لە بەرپرسانی عێراق پێشبینی دەکەن لە کاردانەوەی هێرشەکاندا، بنکە و بارەگاکانی حەشدی شەعبی، گرووپە چەکدارەکان و سەرکردەکانیان بکرێنە ئامانج.

 

باکگراوند: دوای هێرشەکانی ئیسرائیل بۆسەر لوبنان و کوژرانی حەسەن نەسروڵڵا، ئەمینداری گشتیی حیزبوڵڵا، گرووپە چەکدارەکانی عێراق هێرشەکانیان بۆسەر ئیسرائیل چڕتر کردووەتەوە.