فەرمانی بەقەزاکردنی تەقتەق واژۆ کرا

ئاڤا نیوز 

 

سەرۆکوەزیران مەسرور بارزانی فەرمانی بە قەزاکردنی تەقتەقی لە سنووری پارێزگای هەولێر واژۆ کرد.

 

ڕاگەیێنراوی فەرمی: حکومەتی هەرێمی کوردستان ڕایگەیاند، "پاڵپشت بە فەرمانی هەرێمی ژمارە 335، بڕیارمان دا بە هێنانەکایەی قەزای تەقتەق لە سنووری پارێزگای هەولێر بە هەمان سنووری ئێستای ناحیەی تەقتەق".

زانیاریی زیاتر: ئەم فەرمانە لە ڕۆژی دەرچوونیەوە واتا 14-10-2024 جێبەجێ دەکرێت.

ئەوەی پێویستە بیزانیت: تەقتەق دەکەوێتە سنووری پارێزگای هەولێر و پێشتر سەر بە قەزای کۆیە بوو، سنووری جوگرافی 474 كیلۆمەتر چوارگۆشەیە، 22 گوندی بەسەرەوەیە و ژمارەی دانیشتووانی زیاتر لە 25 هەزار کەسە.