نێچیرڤان بارزانی پەیامێک ئاراستەی گەنجانی سلێمانی دەکات

ئاڤا نیوز

 

نێچیرڤان بارزانی داوا لە خەڵکی سلێمانی و بەتایبەت گەنجان دەکات بە دروشمی بێناوەڕۆکی لایەنەکان فریونەخۆن هیچیان پێناکرێت، داوا دەکات بۆ یەکجاریش بێت پارتی تاقی بکەنەنەوە.

 

لێدوانی فەرمی: نێچیرڤان بارزانی، جێگری سەرۆکی پارتی لە شاری سلێمانی پەیامێکی ئاراستەی خەڵکی پارێزگاکە بەتایبەت گەنجان کرد و داوایان لێ کردن بە قسە و جووڵەی بێ ناوەڕۆکی لایەنە سیاسییەکان فریونەخۆن، ئەو لایەنانەی پۆپۆلیستن زوو سەردەکەون، بەڵام بەخێرایی دەکەون. جەختیشی کردەوە کە دڵنیایە لەوەی خەڵکی کوردستان بە دروشمی بێ ناوەڕۆک هەڵناخەڵەتێن.

 

لەلایەکی دیکەوە: نێچیرڤان بارزانی داوای لێ کردن دەنگ بە پارتی بدەن و بە دەستی خۆیان ئاوەدانی و خۆشگوزەرانی بۆ پارێزگاکە دابین بکەن. گوتیشی: "پارتی حیزبێک نییە دوو هەفتە پێش هەڵبژاردن خۆی لە بەرپرسیارێتی بێبەریی بکات، پارتی حیزبی پرۆژە و کار و کردارە، پارتی خۆڕاگرە و بە خۆڕاگریش دەمێنێتەوە و هیچ کاتێک لە بەرپرسیارێتی ڕاینەکردووە".

گۆشەیەکی دیکەوە: هەر لە کەرنەڤاڵەکەی سلێمانیدا نێچیرڤان بارزانی جەختی کردەوە "زێدەڕۆیی نییە کە دەڵێین سەرکەوتنی پارتی، واتە سەرکەوتنی کوردستان، ناحەزانمان بچووکبوونەوەی پارتی بە بچووکبوونەوەی کوردستان دەبینن". داواشی کرد بۆ یەکجاریش بێت پارتی تاقی بکەنەوە.