سەرۆک بارزانی حەوت داواکاری ئاراستەی ئەندام و لایەنگرانی پارتی دەکات

ئاڤا نیوز

 

سەرۆک بارزانی لەمیانەی بەشداریکردنی لە گەورەترین کەرنەڤاڵی جەماوەری سەرخستنی لیستی 190ـی پارتی لە هەولێر پێنج داواکاری ئاراستەی جەماوەر و ئەندام و لایەنگرانی پارتی کرد، لەوانەش کاتی خۆیان بە وەڵامدانەوەی قسەی  سووکی لایەنەکان بەهەدەر نەدەن. 

 

وێنە گەورەکە: ڕۆژی سێشەممە 15-10-2024، لە دوایین ڕۆژی بانگەشەی هەڵبژاردنی پەرلەمانی کوردستان، لیستی 190ـی پارتی دیموکراتی کوردستان لە یاریگای فەرانسۆ هەریری لە هەولێر گەورەترین کەرنەڤاڵی جەماوەری بە بەشداریی دەیان هەزار ئەندام و لایەنگر ڕێکخست و سەرۆک بارزانی دوایین پەیامی پارتی لەبارەی هەڵبژاردن ڕاگەیاند.

 

لێدوانی فەرمی: سەرۆک مەسعود بارزانی داوای لەلایەنگرانی پارتی ئەم چەند خاڵە جێبەجێ بکەن:

 

1 -  كاتی خۆتان خەسار نەكەن بە وەڵامدانەوەی وشەی سووک و هەڵوێستی سووک.

2 - تەركیز بكەنە سەر چۆنیەتیی پاراستنی هەرێم و پاراستنی ئازادی و دیموكراسی.

3 -  بنیادنانی ژێرخانێكی بەهێز بۆ هەرێمی كوردستان.

4 -  خزمەتگوزاریی زیاتر بۆ خەڵكی كوردستان.

5 - گرنگییەکی زۆرتر بە كەرتی پەروەردە و تەندروستی.

6 -  كار بكەن بۆ قووڵكردنەوەی گیانی برایەتی و تەبایی و پێكەوەیی هەموو نەتەوە و ئایین و مەزهەبێک.

7 - مەجالێكی فراوانتر بۆ ئافرەتان و گەنجان بڕەخسێنن كە رۆڵی خۆیان باشتر و زیاتر ببینن.

 

ئەوەی پێویستە بیزانیت: پارتی بە لیستی ژمارە 190 بەشداریی لە هەڵبژاردنی خولی شەشەمی پەرلەمانی کوردستان دەکات و 190 بەربژێریشی لە هەرچوار بازنەی هەڵبژاردن هەیە: هەولێر 64، سلێمانی 72، دهۆک 48 و هەڵەبجە 6 بەربژێر.