سەرۆک بارزانی: لە هەوڵداین هەرێمی کوردستان نەکەوێتە نێو ئاگری ناوچەکە

ئاڤا نیوز

 

سەرۆک بارزانی لەمیانی بەشداریکردنی لە کەرنەڤاڵی بانگەشەی پارتی دیموکراتی کوردستان لە هەولێر وتارێکی پێشکەش کرد و ڕایگەیاند، لە هەوڵداین عێراق و هەرێمی کوردستان نەکەونە نێو ئەو ئاگرەی لە ناوچەکە هەیە، ئەمەش بە هەماهەنگی لەگەڵ حکومەتی عێراق دەکرێت.

 

وێنە گەورەکە: ئەمڕۆ سێشەممە 15-10-2024، کۆتا ڕۆژی بانگەشەی هەڵبژاردنی پەرلەمانی کوردستانە و پارتی دیموکراتی کوردستان لە یاریگای فەرانسۆ هەریری کەرنەڤاڵی جەماوەری سەرخستنی لیستی 190ـی پارتی بە بەشداریکردنی نزیکەی 70 هەزار لایەنگر ئەنجامدا. 

 

لێدوانی فەرمی: سەرۆک بارزانی لەبارەی پەیوەندی پارتی لەگەڵ لایەنە عێراقییەکان گوتی "پەیوەندییەکانی پارتی و لایەنە عەرەبییە سوننی و شیعەکان لە ئاستێکی زۆر باشدایە و چاوەڕێین دوای هەڵبژاردن هەموو کێشەکانمان لەگەڵ بەغدا چارەسەر بکرێت".

 

لەلایەکی دیکەوە: سەرۆک بارزانی سەبارەت بە مافە دەستوورییەکانی خەڵکی کورستان دڵنیایی دا و ئاماژەی بەوە دا  "هیچ کاتێک سازش لەسەر مافە دەستوورییەکانمان ناکەین. ئێمە خاوەنی بڕیاریخۆمانین و بڕیارەکانمان نادەینە دەست هیچ لایەنێک".