سەرۆک بارزانی: دوای هەڵبژاردن پارتی دەستی برایەتی بۆ هەموو لایەک درێژدەکات

ئاڤا نیوز 

 

سەرۆک بارزانی لە نێو زیاتر لە 70 هەزار لایەنگری پارتی لە یاریگای فەرەنسۆ هەریری پەیامێکی ئاراستەی لایەنەکان کرد و ڕایگەیاند، دوای هەڵبژاردن پارتی دەستی برایەتی بۆ هەموو لایەک درێژدەکات. 

 

وێنە گەورەکە: ئەمڕۆ پارتی دیموکراتی کوردستان لە یاریگای فەرەنسۆ هەریری لە هەولێر کۆتایی بە کەرنەڤاڵی جەماوەری بانگەشەی هەڵبژاردن بۆ لیستی 190ـی هێنا، لە کەرنەڤاڵەکە نزیکەی 70 هەزار لایەنگر ئامادە بوون. 

لێدوانی فەرمی: سەرۆک مەسعود بارزانی ڕایگەیاند، مەرجی ئێمە تەنیا یەک مەرجە، دڵسۆزی و وەفاداری بۆ خوێنی شەهیدان و بۆ خاكی كوردستانە و دوای هەڵبژاردن پارتی دەستی برایەتی بۆ هەموو لایەک درێژدەکات. 

 

لە لایەکی دیکە: سەرۆک بارزانی پەیامێکی ئاراستەی لایەنەکان کرد و گوتی:  "ئێمە هەموومان ئاخیری كوردین، كوردستانین، خەڵكی ئەم وڵاتەین، بیر لەوە نەكەنەوە بە دژایەتی و تەحەدای پارتی شتتان دەست بكەوێت، بەخوا ئەوەی بە دۆستایەتی و بە برایەتی لەگەڵ پارتی دەستتان دەكەوێت، بە حەیاتی بەزۆری دەستتان ناكەوێت". 

 

باکگراوند: ئەمڕۆ 15-10-2024 دوایین ڕۆژی بانگەشەی هەڵبژاردنی پەرلەمانی کوردستانە کە بڕیارە 20-10 بەڕێوەبچێت و پارتی بە لیستی ژمارە 190 لە هەڵبژاردن بەشدارە و 190 بەربژێریشی هەیە.