کۆمیسیۆن داوایەک ئاراستەی سەرجەم هاوپەیمان و حیزب و کاندیدەکان دەکات

ئاڤا نیوز

 

كۆمسیۆنی باڵای سەربەخۆی هەڵبژاردنەكانی عێراق داوایەکی ئاراستەی سەرجەم هاوپەیمان، حیزب و کاندیدەکان کرد و كاتی كۆتاییهاتنی بانگەشەی هەڵبژاردنی پەرلەمانی كوردستانی ڕاگەیاند.

 

وێنە گەورەكە: ڕۆژی 25-9-2024 بانگەشەی هەڵبژاردنی پەرلەمانی كوردستان دەستی پێكرد و ڕۆژی 18ـی ئەم مانگە پرۆسەی دەنگدانی تایبەت و 20ـی ئەم مانگەش دەنگدانی گشتی بەڕێوەدەچێت.

 

ڕاگەیێندراوی فەرمی: کۆمیسیۆنی باڵای سەربەخۆی هەڵبژاردنەکانی عێراق لە ڕاگەیێنراوێكدا سەرجەم هاوپەیمانی و حیزب و پاڵێوراوان ئاگادار دەكاتەوە، بانگەشەی هەڵبژاردن لە کاتژمێر دوانزەی شەوی سێشەممە، 2024/10/15 كۆتایی دێت.

 
زانیاریی زیاتر: پێشووتریش كۆمسیۆن ڕایگەیاند، كە پرۆسەی دەنگدان بۆ هەڵبژاردنی پەرلەمانی کوردستان لەهەردوو ڕۆژی دەنگدانی تایبەت و گشتی لە کاتژمێر 7:00ـی بەیانی دەستپیدەکات و تا کاتژمێر 6:00ـی ئێوارە بەردەوام دەبێت و  ماوەکەی درێژناکرێتەوە.