وەزارەتی ناوخۆ بڕیاری بەقەزاكردنی تەقتەقی دا

ئاڤا نیوز

 

دوای فەرمانی سەرۆكوەزیران مەسرور بارزانی، وەزارەتی ناوخۆ لە بەیانێكدا بڕیاری بەقەزاكردنی ناحیەی تەقتەقی دەركرد.

 

بڵاوكراوەی فەرمی: ئەمڕۆ چوارشەممە 16-10-2024 وەزارەتی  ناوخۆی حكومەتی هەرێمی كوردستان بەیانی ژمارە 17ی ساڵی 2024ی تایبەت بە هێنانەكایەی قەزای تەقتەقی دەركرد.

 

زانیاریی زیاتر: لە بەیانەكەی وەزارەتی ناوخۆدا ئاماژە بە فەرمانی هەرێمی و فەرمانی سەرۆكوەزیران مەسرور بارزانی و نووسراوی وەزارەتی ناوخۆ دراوە سەبارەت بە هێنانەكایەی قەزای تەقتەق.

 

ئەوەش بزانە: وەزارەتی ناوخۆ لە بەیانەكەدا ئاماژەی داوە بە ئەوەی كە لەبەر بەرژەوەندیی گشتی بڕیار دراوە بە:-

یەكەم: هێنانە كایەی قەزای تەقتەق لە سنووری پارێزگای هەولێر بەهەمان سنووری ئێستا ناحیەی تەقتەق.
دووەم: ئەم بەیانە لە ڕۆژی دەرچوونی فەرمانی حكومەتی هەرێمی كوردستان لە ڕێكەوتی 14-10-2024ـەوە كاری پێدەكرێت و لە ڕۆژنامەی وەقایعی كوردستان بڵاودەكرێتەوە.