لە دیالە دژی سەردانەکەی سوودانی بۆ شارەکە خۆپیشاندان دەکرێت

ئاڤا نیوز

لەگەڵ سەردانەکەی سوودانی بۆ پارێزگای دیالە بە دەیان دەرچووی زانکۆ ڕژانە سەر شەقامەکانی سەنتەری شاری بەعقوبە و داوای دامەزراندنیان کرد، لەبەرامبەردا هێزە ئەمنییەکان بڵاوەیان پێکردن.   

 

ڕاگەیێنراوی فەرمی: میدیا عێراقییەکان بڵاویانکردەوە: ژمارەیەک لە دەرچووانی زانکۆ لە نزیک شەقامی پارێزگا لە سەنتەری شاری بەعقوبە خۆپیشاندانیان ئەنجامدا، دوای ئەوەی هێزە ئەمنییەکان ڕێگرییان لێکردن لەبەردەم باڵەخانەی حکومەتی خۆجێی دیالە خۆپیشاندان بکەن.

 

زانیاریی زیاتر: خۆپیشاندەران جەختیان لەوە کردەوە، ئەوان بە ئاشتییانە تەنیا داوای دامەزراندن لە کەرتی گشتیی بەپێی بڕوانامەکانیان دەکەن، یاخود هەلی کاریان بۆ دابین بکەن لە کەرتی تایبەتدا.

 

ئەمەش بزانە: لەگەڵ سەردانەکەی محەممەد شیاع سوودانی، سەرۆکوەزیرانی عێراق بۆ پارێزگای دیاله بەمەبەستی کردنەوەی چەند پرۆژەیەک، هێزە ئەمنییەکان ڕێوشوێنی زۆر توندیان گرتەبەر.