سەرۆکوەزیران بارزانی بەردی بناغەی جووتسایدی "ڕێگای مەرگ"ی دانا

ئاڤا نیوز

سەرۆکوەزیران مەسرور بارزانی بەردی بناغەی پڕۆژەی جووتسایدی قەزای بەردەڕەش - کەڵەکی دانا، کە ڕێگایەکی گرنگی بازرگانی نێوان هەرێمی کوردستان و تورکیایە.

ئەوەی پێویستە بیزانیت: درێژی ڕێگاکە 35 کیلۆمەترە و بە گوژمەی 98 ملیار دینار لەلایەن دوو کۆمپانیای خۆماڵی لە ماوەی سێ ساڵدا جێبەجێ دەکرێت.

زانیاریی زیاتر: ڕێگاکە شارەکانی دهۆک و نەینەوا بە هەولێر دەبەستێتەوە، ڕێگایەکی نێودەوڵەتیی بازرگانییە لە نێوان هەرێمی کوردستان و تورکیا،  گوژمەی 98 ملیار دیناری بۆ تەرخان کراوە و لە ماوەی سێ ساڵدا تەواو دەبێت.

لێدوانی فەرمی: عەلی تەتەر، پارێزگاری دهۆک لە مەراسیمەکە گوتارێکی پێشکەش کرد و ڕایگەیاند: ئەم ڕێگایە لە ڕێگای مەرگەوە دەبێتە ڕێگایەکی ستاندارد و دەستی ئاوەدانی دەگەیێنینە سەرجەم ناوچەکان.

 

بۆچی گرنگە: ڕێگای بەردەڕەش - کەڵەک یەکێکە لە ڕێگە مەترسیدارەکان بۆ ڕووداوەکانی هاتووچۆ، بەجووتسایدکردنی ڕووداوەکان و قەرەباڵخی بەشێوەیەکی بەرچاو کەم دەکاتەوە، جگە لەوە کارئاسانی بۆ جووتیارانی ناوچەکە دەکات، تاوەکو بەئاسانترین شێوە بەرهەمەکانیان بگەیێننە بازاڕەکان.