سەدر داوایەکی بەپەلە ئاراستەی وەزارەتی دەرەوەی ئەڵمانیا دەکات

ئاڤا نیوز

ڕێبەری ڕەوتی نیشتمانی شیعە بە توندی ئیدانەی هەڵوێستی ئەڵمانیا سەبارەت بە دۆزی فەڵەستین و خەڵکی غەززە دەکات.

 

چیرۆكه‌ سه‌ره‌كیه‌كه‌: بە بۆنەی یەکەمین ساڵیادی هێرشەکەی حەماس بۆ سەر ئیسرائیل، ئانالینا بیربۆک وەزیری دەرەوەی ئەڵمانیا لە بەردەم پەرلەمانی وڵاتەکەی ئاشکرای کرد، ئیسرائیل مافی خۆیەتی بەرگری لە خاک و هاووڵاتیانی خۆی بكات و تێرۆرستانی حەماس لەناوبەرێت لە هەر شوێنێک خۆیان حەشار بدەن.

 

لێدوانی فەرمی: موقتەدا سەدر لە نامەیەکدا کە ئاراستەی باڵیۆزخانەی ئەڵمانیای لە بەغدا کردووە، دەڵێت: ئێمە بە توندی ئیدانەی ئەو هەڵوێستە کۆنەپەرستانەی وەزیری دەرەوەی ئەڵمانیا دەکەین، کاتێک پاساو دێنێتەوە و مافی ڕەوا دەدات بەئیسرائیل بۆردوومانی خەڵکی مەدەنی بکات.

 

زانیاریی زیاتر: سەدر داوا لە وەزیری دەرەوەی ئەڵمانیا دەکات، داوای لێبوردن بکات سەبارەت بەو لێدوانەی پشتگیری لە کوشتنی هاوڵاتیانی مەدەنی و کۆمەڵکوژی بەکۆمەڵ لە غەززە و لوبنان و سووریا دەکات.