دوای هەوا .. پسپۆڕانی ژینگە زەنگی مەترسی لە پیسبوونی ئاو لێدەدەن

ئاڤا نیوز

 

پسپۆڕانی بواری ئاو هۆشداری دەدەن لە کاریگەری ئەو دووکەڵ و بۆنی گۆگردەی کە چەند ڕۆژێکە ئاسمانی بەغدای داپۆشیوە، بۆ پیسکردنی سەرچاوەکانی ئاو.

 

وێنە گەورەکە: چەند ڕۆژێکە بۆنی گۆگرد لە بەغدا بڵاوبوەتەوە و کاریگەری لەسەر تەندروستی بەشێک لە هاووڵاتییان دروستکردووە، وەزارەتی ژینگە، هۆکاری بڵاوبونەوەکەی دەگەڕێنێتەوە بۆ جۆری ئەو سوتەمەنییەی لە وێستگەکانی کارەبا بەکاردەهێنرێت.
 
لێدوانی فەرمی: تەحسین موسەوی، شارەزای بواری ئاو و کشتوکاڵ ڕایگەیاند: تا ئێستا کێشەی ئاو لەعێراق چارەسەر نەکراوە، ئەوەی لەم دواییانەدا ڕوویداوە زیادبوونی غازی دووەم ئۆکسیدی گۆگرد و پاشماوەی دیکەیە کە پەیوەندی بە پرسی ئاوەوە هەیە، بەتایبەتی ئاوی وەستاو و دابەزینی ئاستی ئاوی ڕووبارەکان.

 

زانیاریی زیاتر: موسەوی ئەوەشی ئاشکرا کرد، لەئەنجامی ئەو هەموو دووکەڵ و گۆگردە پیسە، ئاو لە هەندێک ناوچەدا ناشێت بۆ خواردنەوە و کاریگەری لەسەر تەندروستی هاوڵاتییان دروست دەکات.