لە هەڵەبجە هێزێکی ئەمنی دەبرێتە بەردەم بنکەی دەنگدان

ئاڤا نیوز

 

بەرپرسی تۆڕی شەمس بۆ چاودێری هەڵبژاردنەكان لە پارێزگای هەڵەبجە دەڵێت، هێزێكی زۆر لە دەوری بنكەی دەنگدان كۆكراوەتەوە و مۆبایلیش دەبەنە ژوورەوە.

 

ئەوەی ئێستا ڕوودەدات: ڕێژەی بەشداریكردن لە پارێزگای هەڵەبجە لە دەنگدانی تایبەتدا تا كاتژمێر دوو %88 بووە و تۆڕی شەمس نیگەرانە لە پێشێلكارییەكان.

 

لێدوانی فەرمی:دكتۆر عاسی فایق هاواری، بەرپرسی تۆڕی شەمس لە هەڵەبجە بە ئاڤا نیوزی گوت:” لە بەیانییەوە هێزێكی زۆر لە دەوروبەری بنكەی دەنگدان دانراون، تا ئێستاش هەر ماونەتەوە و دەنگدەرەكانیش مۆبایل دەبەنە ژورەوە ئەمەش جێگەی نیگەرانییە.

 

بۆچی گرنگە: تۆڕی شەمس گەورەترین تۆڕی ڕێكخراوەی بواری هەڵبژاردنەكانە لە هەرێمی كوردستان و عێراق كە چاودێری پڕرسەی هەڵبژاردن دەكات.

 

لەلایەکی دیکەوە: ئاراس ڕەحیم، پەیامانێری ئاڤا لە هەڵەبجە ڕایگەیاند، نوێنەرانی لایەنە سیاسییەکان ئامادە نین واژۆ لەسەر ئەنجامی هەڵبژاردن بکەن و دەڵێن پیشێلکاری کراوە. باسی لەوەش کرد کە هێزێکی ئەمنی زۆر لە دەرەوەی بنکەی دەنگدان کۆبوونەتەوە.