پارتی لەبارەی ئەنجامی دەنگدانی تایبەت وەڵامی یەکێتی دەداتەوە

ئاڤا نیوز

پارتی دیموکراتی کوردستان ئەو ئەنجامەی یەکێتی لەبارەی دەنگدانی تایبەت بڵاویکردووەتەوە ڕەت دەکاتەوە. 

 

زانیاریی بەدەستهاتوو: کاتژمێر 07:00ی ئێوارەی ئەمڕۆ، پارتی دیموکراتی کوردستان لەبارەی ئەنجامی دەنگدانی تایبەت ڕوونکردنەوە دەدات و بەفەرمی ئەو ئەنجامە ڕەتدەکاتەوە کە یەکێتیی نیشتمانیی کوردستان بڵاویکردووەتەوە.

 

ئەوەی پێویستە بیزانیت: ئەمڕۆ یەکشەممە گوتەبێژی لیستی یەکێتی  ئەنجامی دەنگدانی تایبەت بڵاوکردەوە، بەپێی داتاکەی ئەوان پارتی:  74 هەزار و 513 دەنگ، یەکێتی: 70 هەزار و 10 دەنگ، نەوەی نوێ:  5 هەزار و 329 دەنگ،  یەکگرتوو: سێ هەزار و 5 دەنگ، هەڵوێست: دوو هەزار و 516 دەنگ، کۆمەڵ: دوو هەزار و نۆ دەنگ، بەرەی گەل: هەزار و 598 دەنگ، گۆران: 706 دەنگیان هێناوە.

 

لەلایەکی دیکەوە: عیماد جەمیل، سەرۆکی تیمی میدیایی کۆمیسیۆنی هەڵبژاردنەکانی عێراق بە ئاڤا نیوزی گوت: "ئەو ئەنجامەی یەکێتی بڵاویکردووەتەوە پەیوەندی بە ئێمەوە نییە،  ئێمە ڕۆژی دووشەممە 24 کاتژمێر دوای دەنگدانی گشتی، ئەنجامی بەرایی و هەموو زانیارییەکی پەیوەست بە هەردوو دەنگدانی تایبەت و گشتیی بڵاودەکەینەوە".