خوێندنی بابەتەکانی کەشوهەوا لە زانکۆکانی ئەمریکا دەکرێتە ناچاری

ئاڤا نیوز

 

لە هەندێک زانکۆی ئەمریکا خوێندنی بابەتەکانی کەشوهەوا لە شێوازی ئارەزوومەندانەوە دەگۆڕێت بۆ خوێندنی داواکراو. 

 

وێنە گەورەکە: دوای زیادبوونی گۆڕانکارییەکانی کەشوهەوا و گرنگیدان بەو بابەتە، لە زۆربەی زانکۆکانی ئەمریکا و جیهان ئەم بابەتە وەکو بابەتێکی سەرەکی یان لاوەکی دەخوێندرێت. 

 

ڕاگەیێندراوی فەرمی: بەپێی ڕاپۆرتی ئەی بی سی نیوزی ئەمریکی، زانکۆی ویلایەتی کالیفۆرنیا لە ساندیاگۆ، بابەتەکانی خوێندنی تایبەت بە کەشوهەوا بۆ قوتابیانی خوێندنی بەکالۆریۆس لە ئارەزوومەندانەوە بۆ داواکراو دەگۆڕێت، لە هەمانکاتدا، زیاتر لە 40 بابەتی کەشوهەوا بۆ قوتابییان ئامادەکراوە. 

 

زانیاریی زیاتر: زانکۆکانی ئەمریکا باس لەوە دەکەن، لەبەرئەوەی زۆربەی قوتابیانیان لە دوای گۆڕانی کەشوهەوا لە ساڵانی دوای 2000ـەوە لە دایکبوون، ئەو بابەتە گرنگییەکی زۆری لەسەر ژیانی ڕۆژانەی ئەوانەوە هەیە، بۆیە دەبێت بە تەواوی شارەزای ئەم بابەتە بن. 

 

ئەوەش بزانە: هەندێک لە زانکۆکانی ئەمریکا، لەوانەش ویلایەتی ئەریزۆنا، کۆڵۆمبیا، هارڤارد و ستانفۆرد، بابەتی داواکراوی پەیوەست بە گۆڕانی کەشوهەوایان پێشکەش بە قوتابیان کردووە.