گوتەبێژی کۆمیسیۆن: ڕێژەی بەشداریکردنی دەنگدەران ڕوو لەزیادبوونە

ئاڤا نیوز

 

کۆمیسیۆنی باڵای سەربەخۆی هەڵبژاردنەکان دەڵێت، کێشەی زۆر گەورەمان نییە و هەر کێشەیەک هەبێت چارەسەری دەکەین.

 

لێدوانی فەرمی: د. ئەیسەر یاسین گوتەبێژی لیژنەی ناوەندیی کۆمیسیۆن بۆ هەڵبژاردنی پەرلەمانی کوردستان بە ئاڤا نیوزی ڕاگەیاند، ڕووبەڕووی کێشەی زۆر گەورە نەبوونەتەوە تەنها چەند ئامێرێک کێشەیان هەبووە ئەوانیش چارەسەرکراون، گوتیشی: "گرفتی خوێندنەوەی پەنجە مۆری هاوڵاتییان پەیوەندی بە خودی دەنگدەر هەیە"، هاوکات باسی لەوەشکردن ڕێژەی بەشداریکردنی دەنگدەران ڕوو لەزیادبوونە.

 

لەلایەکی دیکەوە: د. ئەیسەر یاسین، سەبارەت بە سکاڵای لایەنەکان گوتی،"تاوەکو ئێستا هیچ سکاڵایەک نەگەیشتووەتە دەستمان".

 

ئەمەش بزانە: ئەوانەی لە هەرێمی کوردستان مافی دەنگدانیان هەیە ژمارەیان دوو ملیۆن و 801 هەزار و 672 کەسە.