بەردی بناغەی چوار پرۆژە لە دارەتوو دادەنرێت

ئاڤا نیوز

 

بڕیارە ئەمڕۆ بەردی بناغەی چوار پرۆژەی گرنگ لە ناوەندی ناحییەی دارەتوو لەلایەن پارێزگاری هەولێرەوە دابنرێت.

 

وێنە گەورەکە: سەرەڕای ئاستەنگییە داراییەکان، حکومەتی هەرێمی کوردستان لە دابینکردنی پرۆژەی خزمەتگوزاریی بۆ سەرجەم ناوچەکان بەبێ جیاوازی بەردەوامە.

 

لێدوانی فەرمی: ڕەوەند قادر، سەرۆکی شارەوانی دارەتوو هەولێر، بە ئاڤا نیوزی ڕاگەیاند: کاتژمێر 12:00ی نیوەڕۆی ئەمڕۆ دووشەممە، پارێزگاری هەولێر بەردی بناغەی چوار پرۆژە لە ناوەندی ناحییەی دارەتوو دادەنێت.

 

زانیاریی زیاتر: پرۆژەکان پێکهاتوون لە شەقامێکی جووتسایدی 30 مەتری، شەقامێکی 20 مەتری، شەقامێکی 10 مەتری، نۆژەنکردنەوەی مزگەوتێک و دروستکردنی گۆڕەپانێک بۆی.

 

ئەوەی پێویستە بیزانیت: تێچووی پرۆژەکان نیو ملیار دینارە، ماوەی تەواوبوونی هەریەک لە پرۆژەکان 90 ڕۆژە.