ئاسایشی عێراق 35 ئەندامی بزووتنەوەی قوربانییەکان دەستگیر دەکات

ئاڤا نیوز

 

دەزگای ئاسایشی نیشتیمانی عێراق لە چوار پارێزگای جیاواز 35 ئەندامی بزووتنەوەی قوربانییەکانی دەستگیر کرد.

 

وێنە گەورەکە: قوربانییەکان گرووپێکی شیعە مەزهەبن لە ناوەڕاست و باشووری عێراق چالاکن، بەهۆی بیروباوەڕی توندڕەویان، تیروپشک بۆ هەڵبژاردنی ئەندامێکیان ئەنجامدەدرێت بۆ ئەوەی لەپێناو خودا خۆیان بکوژن و بکەن بە قوربانی.

 

ڕاگەیێنراوی فەرمی: دەزگای ئاسایشی نیشتیمانیی عێراق ڕایگەیاند: بە پشتبەستن بە ڕەزامەندیی دادگا، لە چەند ئۆپەراسیۆنێکدا لە پارێزگاکانی واست، موسەننا، بەسرە و زیقار 35 ئەندامی بزووتنەوەی قوربانییەکانمان دەستگیرکردووە.

 

ئەوەی پێویستە بیزانیت: لە ناوەڕاستی مانگی تەمموزی ڕابردوو هێزە ئەمنییەکانی عێراق دوو لە سەرکردەی باڵاکانی ئەو گرووپەیان لە بەسرە دەستگیرکرد. 

 

زانیاریی زیاتر: بزووتنەوەی قوربانییەکان، گرووپێکی قەدەغەکراون لە عێراق، تا ئێستا بە دەیان ئەندامیان دەستگیر کراون.