لە کەرکووک شوێنەوارێکی تەمەن چوار هەزار ساڵ دەدۆزرێتەوە

ئاڤا نیوز

 

دوو تیمی هەڵکۆڵینی شوێنەوار لە کەرکووک ئاسەوارێکیان دۆزیوەتەوە کە تەمەنی بۆ چوار هەزار ساڵ پێش ئێستا دەگەڕێتەوە, لە پاڵ ئەوەش 150 پارچەی ئاسەواری دیکە دەدۆزنەوە.

 

وێنە گەورەکە: عێراق یەکێکە لەو وڵاتانەی ژمارەیەکی زۆر شوێنەواری دێرینی تێدایە و لە چەندین ناوچەی جیاوازی وڵاتەکە تیمی ناوخۆیی و دەرەکیی شوێنەواری کاری گەڕان و هەڵکۆڵین دەکەن.

 

ڕاگەیێنراوی فەرمی: دەستەی گشتیی شوێنەوار و کەلەپووری عێراق ڕایگەیاند: ئاسەوارەکان لە گردی "عەرەب کۆمبەت"ــی کەرکووک دۆزراوەتەوە بەپێی هەڵکۆڵینەکاندا دەرکەوتووە کە مێژووەکەی بۆ زیاتر لە چوار هەزار ساڵ لەمەوبەر دەگەڕێتەوە.

 

زانیاریی زیاتر: تیمی یەکەم چەند پاشماوەیەکی خانوو و شوێن و فڕنی دروستکردنی گۆزەیان ئاشکرا کردووە، لەگەڵ دۆزینەوەی نزیکەی 100 پارچەی ئاسەواری جۆراوجۆر و تیمی دووەمی هەڵکۆڵینەوە گۆڕیان دۆزیوەتەوە کە دیاریی جۆراوجۆری ناشتنی مردووی تێدا بووە.