عیرفان سدیق دەبێتە باڵیۆزی نوێی بەریتانیا لە عێراق

ئاڤا نیوز

چیرۆکی سەرەکی: عیرفان سدیق دەبێتە باڵیۆزی نوێی بەریتانیا لە عێراق و جێگەی ستیڤن هیچن دەگرێتەوە. بڕیارە مانگی سێی ساڵی 2025 بەفەرمی لە پۆستەکەیدا دەستبەکار دەبێت.

ژیاننامەی عیرفان سدیق:

- ساڵی 1998 پەیوەندی بە وەزارەتی دەرەوەی بەریتانیا کردووە.

- ساڵانی 1998 - 1999 لە بەشی سیاسەتی ئەمنی سەر بە وەزارەتی دەرەوە کاری کردووە.

- ساڵانی 1999 - 2000 بەرپرسی بەشی ئابووری و بازرگانی بووە لە باڵیۆزخانەی بەریتانیا لە هیندستان.

- ساڵانی 2000 - 2002 خۆی فێری زمانی عەرەبی کردووە.

- ساڵانی 2003 - 2004 بەرپرس بووە لە بەشی سیاسی سەر بە دەسەڵاتی کاتی هاوپەیمانان لە عێراق.

- ساڵانی 2004 - 2005 لە بەشی سیاسی تایبەتمەند بە عێراق لە وەزارەتی دەرەوەی ئەمریکا کاری کردووە.

- ساڵانی 2005 - 2007 سکرتێری تایبەتی وەزیری دەرەوەی بەریتانیا بووە.

- ساڵانی 2007 - 2010  جێگری باڵیۆزی بەریتانیا بووە لە سووریا.

- ساڵانی 2010 - 2011 جێگری باڵیۆزی بەریتانیا بووە لە عێراق.

- ساڵانی 2011 - 2013  بەڕێوەبەری بەشی (هاوبەشی لەگەڵ وڵاتانی عەرەبی) بووە لە وەزارەتی دەرەوە.

- ساڵانی 2013 - 2016 باڵیۆزی بەریتانیا بووە لە ئازەربایجان.

- ساڵانی 2018 - 2021 باڵیۆزی بەریتانیا بووە لە سوودان.

- ساڵی 2021 بەڕێوەبەری ئیدارەی ڕۆژهەڵات و ناوەڕاستی ئەفریقا بووە لە وەزارەتی دەرەوە.

- ساڵی 2022 تاوەکو ئێستا کۆمیسیاری باڵای بەریتانیایە لە شاری نیکۆسیای قوبرس.

- مانگی سێی ساڵی داهاتوو بەفەرمی وەک باڵیۆزی نوێی بەریتانیا لە عێراق دەستبەکار دەبێت.