لیستی مووچەی مانگی 10 ئامادە دەکرێت

ئاڤا نیوز

سەرجەم وەزارەتەکانی هەرێمی کوردستان لیستی مووچەی مانگی 10یان ڕەوانەی وەزارەتی دارایی و ئابووری کردووە، وردبینی بۆ دەکرێت و هەفتەی داهاتوو ڕەوانەی بە‌غدا دەکرێت.

وێنە گەورەکە: پرۆسەی دابەشکردنی مووچەی مانگی نۆ بەردەوامە و سبەی پێنجشەممە تەواو دەبێت، چەند ڕۆژێکیشە وەزارەتی دارایی و ئابووری سەرقاڵی ئامادەکردنی لیستی مووچەی مانگی 10 یە.

زانیاریی تایبەت: سەرچاوەیەک لە وەزارەتی دارایی و ئابووریی هەرێمی کوردستان بە ئاڤا نیوزی گوت: "وردبینی لە لیستەکان دەکرێت، دوای تەواوبوونی پرۆسەکە لیستی مووچەی مانگی 10 ڕەوانەی بەغدا دەکرێت و دەکەوێتە هەفتەی داهاتوو."

لەلایەکی دیکەوە: وەزارەتی دارایی و ئابووری دوێنێ شەو لە ڕاگەیێنراوێکدا ڕوونی کردەوە، تاوەکو  18ی ئەم مانگە  105 هەزار و 560 مووچەخۆری دیکە  بایۆمەترییان کردووە، بەمەش 75% كێشەی بایۆمەتریی مووچەخۆران چارەسەر كراوە و تاوەكو كۆتایی ساڵ سەرجەم كێشە هونەرییەكانی لیستی مووچە چارەسەر دەبن.