ئاهەنگی دەرچووانی زانکۆی کوردستان بەڕێوەدەچێت

ئاڤا نیوز

 

بڕیارە ئێوارەی ئەمڕۆ زانکۆی کوردستان - هەولێر ئاهەنگی دەرچووان بۆ قوتابییانی چوار کۆلیژ ئەنجام بدات و سەرۆکوەزیران مەسرور بارزانی بەشداری ئاهەنگەکە دەبێت.

 

وێنە گەورەکە: زانکۆی کوردستان-هەولێر ساڵی 2006 دامەزراوە، دروشمی "پێشخستنی کوردستان لەڕێگای باشترین خوێندنی ئەکادیمی" پەیڕەو دەکات. 

 

زانیاریی بەدەستهاتوو: کاتژمێر 5:00ی ئێوارەی ئەمڕۆ پێنجشەممە، زانکۆی کوردستان-هەولێر ئاهەنگی خولی 15 دەرچوون ئەنجام دەدات، لە ئاهەنگەکە سەرۆکوەزیران مەسرور بارزانی ئامادەیی دەبێت و بڕوانامە بە 389 قوتابی دەبەخشرێت.

 

ئەوەی پێویستە بیزانیت: زانکۆی کوردستان - ھەولێر لە چوار کۆلێژ و 11 بەش پێکهاتووە، پێکهاتوون لە کۆلێژی پزیشکی، کۆلێژی بەڕێوەبردن و ئابووری، کۆلێژی زانستە کۆمەڵایەتییەکان و کۆلێژی زانست و ئەندازیاری. بە هەژمارکردنی دەرچووانی ئەمڕۆ کۆی گشتیی ژمارەی دەرچووان دەگاتە دوو هەزار و 550  کەس.