لە دانیشتنی داهاتووی پەرلەمانی عێراق بڕگەیەکی تایبەت بە کورد تاوتوێ دەکرێت

ئاڤا نیوز 

 

پەرلەمانی عێراق کارنامەی کۆبوونەوەی ڕۆژی یەکشەممەی داهاتوی بڵاوکردەوە، یەکەم بڕگەی دانیشتنەکەش تایبەتە بە کورد و ناوچە کوردستانییەکانی دەرەوەی هەرێم.

 

ڕاگەیێنراوی فەرمی: نووسینگەی پەرلەمانی عێراق کارنامەی دانیشتنی ڕۆژی یەکشەممە 27-10-2024ـی بڵاوکردەوە، بەپێی کارنامەکە بڕیارە کاتژمێر یەکی پاشنیوەڕۆ دانیشتنەکە دەستپێبکات و بەم شێوازە بڕگەکان دابەشکراون:

 

یەکەم: دەنگدان لەسەر یاسای گەڕاندنەوەی خاوەندارێتی موڵک و ماڵی داگیرکراو بەفەرمانی ئەنجوومەنی ناسراو بە "قیادەی سەورە"ــی هەڵوەشاوە.

دووەم: دەنگدان لەسەر یاسای باری کەسیی.

سێیەم:  دەنگدان لەسەر یاسای لێبوردنی گشتی.

چوارەم:  تەواوکردنی خوێندنەوەی یەکەم بۆ ڕەشنووسی یاسای خاوەندارێتی فیکری.

چوارەم:  تەواوکردنی خوێندنەوەی یەکەم بۆ ڕەشنووسی یاسای فڕۆکەوانی مەدەنی.

 

باكگراوند: پێشتر محەممەد عەنوز، ئەندامی لیژنەی یاسایی پەرلەمانی عێراق بەئاڤا نیوزی گوتووە: پاش هەڵبژاردنی پەرلەمانی هەرێمی کوردستان لەدانشتنێکدا پەرلەمانی عێراق چوار یاسا بەیەک پاکێچ پەسەند دەکات، ئەوانیش بریتین لە یاسای لێبوردنی گشتیی و یاسای باری کەسیی و یاسای گەڕاندنەوەی خاوەندارێتی موڵک و ماڵی داگیرکراو بەفەرمانی ئەنجوومەنی ناسراو بە "قیادەی سەورە"ــی هەڵوەشاوە و یاسای خانەنشینی حەشدی شەعبی.