سەرەتای هەفتەی داهاتوو مووچەی مامۆستایانی گرێبەست دابەش دەکرێت

ئاڤا نیوز

 

بڕیارە ڕۆژانی یەکشەممە و دووشەممەی هەفتەی داهاتوو مووچەی مامۆستایانی گرێبەستی وەزارەتی پەرەردە دابەش بکرێت.

 

زانیاریی بەدەستهاتوو: سەرچاوەیەک لە وەزارەتی دارایی و ئابووری حکومەتی هەرێمی کوردستان ڕایگەیاند، ڕۆژانی یەکشەممە و دووشەممە مووچەی مانگی ئەیلولی 38 هەزار مامۆستای گرێبەست دابەش بکرێت.

 

ئەوەی پێویستە بیزانیت: لەکاتی پێشوازی لە مامۆستایانی گرێبەست سەرۆکوەزیران مەسرور بارزانی وتی، حکومەتی فیدڕاڵی نادادی زۆر بەرامبەر هەرێمی کوردستان پەیڕەو دەکات، لەبەرئەوەی لە پارێزگاکانی دیکەی عێراق نزیکەی یەک ملیۆن فەرمانبەری نوێ دامەزراون، بەڵام یەک فەرمانبەریان بۆ هەرێمی کوردستان دانەمەزراندووە.

باکگراوند: ڕۆژی 25-8-2024 سەرۆکوەزیران مەسرور بارزانی، بڕیاری بە گرێبەستکردنی مامۆستایانی وانەبێژی دەرکرد، هەفتەی داهاتوو بۆ یەکەم جار وەک مامۆستای گرێبەست مووچە وەردەگرن.