هەواڵگریی عێراق کارگەیەکی درووستکردنی بۆمب ئاشکرا دەکات

ئاڤا نیوز

 

لە پارێزگای دیاله دەزگای هەواڵگریی سەربازی عێراق دەستی بەسەر کۆگایەکی چەک و تەقەمەنی و کارگەیەکی دروستکردنی بۆمبی چێندراودا گرت.  

 

وێنە گەورەکە: وێڕای ئەوەی شکستی داعش لە عێراق ڕاگەیێنراوە و چەندجارێک بەرپرسان جەختیان لە نەهێشتنی مەترسی ئەو ڕێکخراوە کردووەتەوە، بەڵام لە بەشێکی ناوچەکان جموجوڵ و هێرشەکانیان بۆ سەر سوپا و هێزە ئەمنییەکانی عێراق ڕوو لە زیادبوونە.

 

ڕاگەیێنراوی فەرمی: بەڕێوەبەرایەتی هەواڵگریی سەربازی عێراق بڵاوی کردەوە: هێزەکانی هەواڵگریی فیرقەی یەک ئۆپەراسیۆنێکی فراوانیان لە پارێزگای دیالە ئەنجامدا، تێیدا دەستبەسەر کۆگایەکی چەک و کەلوپەلی سەربازی و کارگەیەکی دروستکردنی بۆمبی چێندراودا گیرا. 

 

زانیاریی زیاتر: هەواڵگریی سەربازی عێراق ئەوەشی ڕاگەیاند: لە چوارچێوەی ئۆپەراسیۆنەکانی دیالە هێزەکانیان لەگەڵ هێزە ئەمنیەکانی دیکەی عێراق بەردەوامن لە گەڕان و پشکنین بەدوای پاشماوەی چەکدارانی داعش.