ئەم هەفتەیە لیستی مووچەی مانگی 10 بۆ بەغدا دەنێردرێت

ئاڤا نیوز

بڕیارە لە سەرەتای هەفتەی داهاتوودا، ئامادەکارییەکانی لیستی مووچەی مانگی 10 تەواو بکرێت بۆ وەزارەتی دارایی حکومەتی عێراق بنێردرێت.

 

زانیاریی بەدەستهاتوو: سەرچاوەیەک لە وەزارەتی دارایی و ئابووری حکومەتی هەرێمی کوردستان بە ئاڤا نیوزی ڕاگەیاند: تا ڕۆژی پێنجشەممە لە وەزارەتەکان ئامادەکاریی کراوە بۆ تەواو کردنی لیستی مووچە، ڕۆژی یەکشەممە ئەگەر هەموو وەزارەتەکان لیستیان تەواو کردبێت ڕەوانەی بەغدا دەکرێت و هیچی گرفتێک لە ناردنی مووچە نییە.

 

لەلایەکی دیکەوە: دوو ڕۆژ لەمەوبەر وەزارەتی دارایی و ئابووری هەرێمی کوردستان ڕایگەیاند، لەماوەی دوو مانگی ڕابردوودا زیاتر لە 105 هەزار مووچەخۆر بایۆمەتریان کردووە و ڕێژەی لە %75ی کێشەی بایۆمەتری فەرمانبەران چارەسەر بووە.

 

باکگراوند: ڕۆژی 8-9-2024 هەردوو ئەنجومەنی ئابووری هەرێمی کوردستان و بەغدا لە هەولێر کۆبوونەوە و دوای دوو ڕۆژ گەیشتنە ئەو ڕێککەوتنەی کێشەی مووچەی فەرمانبەرانی هەرێمی کوردستان چارەسەر دەکرێت.