بازاڕی كڕین و فرۆشتنی خانووبەرە دوای هەڵبژاردن بووژاوەتەوە

ئاڤا نیوز 

 

دوای هەڵبژاردنی خولی شەشەمی پەرلەمانی کوردستان بازاڕی خانووبەرە بووژاوەتەوە، ئەمە لە کاتێکدایە بە گوتەی خاوەن کۆمپانیاکانی خانووبەرە پێش هەڵبژاردن و لە کاتی بانگەشەدا، خەڵک ترسی هەبوو لە كڕین و فرۆشتنی مۆڵک.

 

وێنە گەورەکە: لەماوەی بانگەشەی هەڵبژاردن کڕین و فرۆشتن بە موڵک و خانووەوە ڕوو لەدابەزین بووە، بەڵام دوا بە دوای ڕاگەیاندنی ئەنجامە بەراییەکان بەشێوەیەکی بەرچاو بازاڕی کڕین و فرۆشتنی موڵک بووژاوەتەوە.

 

زانیاریی زیاتر: بەشێک لە خاوەن نووسینگەکانی کڕین و فرۆشتنی خانووبەرە لە هەولێر، باس لەوە دەکەن بەهۆی توندی دروشمی بەشێک لەلایەنەکان خەلکی ترسیان هەبووە لە مامەڵەکردن بە خانوو و زەویی و زارەکانیان، بەڵام دوای ڕاگەیاندنی ئەنجامە بەراییەکان و سەرکەوتنی پارتی دیموکراتی کوردستان دڵنیایی بۆ هاووڵاتییان گەڕاوەتەوە.

 

لێدوانی فەرمی: د.شێرزاد ئەحمەد، مامۆستای زانکۆ و شارەزای بواری ئابووری: داوای ڕاگەیاندنی ئەنجامە بەراییەکان و یەکەمبوونی پارتی لە هەڵبژاردن بارزگانان متمانەیان بۆ گەڕاوەتەوە.