شەپۆلێکی بارانبارین بەڕێوەیە و لە چەند ناوچەیەک مەترسی لافاو هەیە

ئاڤا نیوز

 

کۆتایی ئەم هەفتەیە شەپۆلێکی بارانبارین دەگاتە هەرێمی کوردستان و ئەگەری دروستبوونی لافاو لە ناوچە جیاجیاکان هەیە.

 

لێدوانی فەرمی: شێخ دارا، شارەزا و پێشکەشکاری کەشوهەوای ئاڤا میدیا کە بە شێخی کەشوهەوا ناسراوە، لە گەشتی هەواڵەکانی کاتژمێر 07:00ی ئاڤا ڕایگەیاند: بەهۆی کاریگەریی  شەپۆلی دەریای سوور، ڕۆژی پێنجشەممە 31-10-2024، لە هەرێمی کوردستان باران دەبارێت. هاوکات ڕۆژی شەممە بەهۆی شەپۆڵی دووەم کە لە دەریای ناوەڕاست هەڵدەکات، شەپۆلێکی  دیکەی باران بارین دەگاتە هەرێمی کوردستان.

 

لەلایەکی دیکەوە: شێخ دارا  بە پێویستی دەزانێت، جووتیاران لە ناوچەکانی مەخموور و گەرمیان لە ماوەی سێ ڕۆژی داهاتوودا زەوییەکانیان دابچێنن.

 

ئەوەی پێشبینی دەکرێت: بڕی بارانبارینەکە لەنێوان 50 تاکو 70 ملم دەبێت و ئەگەری هەیە لە دەوروبەری سلێمانی و هەڵەبجە و کەرکووک و ناوچەکانی گەرمیان پەڵە بدات. لە دەوروبەری هەولێر و هەڵەبجەش بەهۆی زۆری بارانبارین ئەگەری دروستبوونی لافاو هەیە.