سوودانی داوای لێکۆڵینەوە لە تۆمارێکی دەنگی سەرۆکی دەستەی باج دەکات

ئاڤا نیوز

 

محەممەد شیاع سوودانی، سەرۆکوەزیرانی عێراق داوای لێکۆڵینەوەیەکی خێرای کرد سەبارەت بە تۆمارێکی دەنگی دزەپێکراوی سەرۆکی دەستەی باجی عێراق.

 

چیرۆكه‌ سه‌ره‌كیه‌كه‌: چەند ڕۆژێکە لە تۆڕە کۆمەڵایەتییەکان تۆمارێکی دەنگی عەلی عەللاوی، سەرۆکی دەستەی باجی عێراق بڵاوبووەتەوە، داوای دەستکاریکردنی سندوقەکانی باج دەکات لە بەرژەوەندی کۆمپانیایەکی تایبەت لە بەرامبەر بڕێک پارەدا.

 

ڕاگه‌یێنراوی فه‌رمی: نووسینگەی میدیایی سەرۆکوەزیرانی عێراق بڵاوی کردەوە: سوودانی داوایەکی ئاراستەی دەستەی دەستپاکی عێراق کردووە، دەست بە لێکۆڵینەوەی چڕ لەگەڵ بەڕێوەبەری گشتیی دەستەی گشتی باج بکەن، سەبارەت بەو تۆمارە دەنگەی بڵاو بووەتەوە و ئەنجامەکەشی بەشێوەیەکی خێرا پێشکەش بکەن. 

 
زانیاریی زیاتر: لە مانگی شوباتی ساڵی 2023، سوودانی عەلی وەعد عەللاوی، پارێزگاری پێشووی بابلی وەک سەرۆکی دەستەی گشتی باج لە عێراق دەستنیشان کرد.