سبەی ئەنجامی کۆتایی هەڵبژاردن ڕادەگەیێنرێت

ئاڤا نیوز

 

سبەی چوارشەممە کۆمیسیۆن ئەنجامی کۆتایی هەڵبژاردن ڕادەگەیێنێت و ناوی کاندیدە دەرچووەکان ئاشکرا دەکات، سێ ڕۆژ دەرفەت لەبەردەم لایەنەکانە بۆ ئەوەی تانەی لێ بدەن.

لێدوانی فەرمی: جومانە غەلای، گوتەبێژی کۆمیسیۆنی هەڵبژاردنەکانی عێراق ڕاگەیاند، سبەی چوارشەممە کاتژمێر 10:00ی بەیانی ئەنجامی کۆتایی هەڵبژاردنی خولی شەشەمی پەرلەمانی کوردستان ڕادەگەیێنێن.

 

ئەوەی پێویستە بیزانیت: 198 سکاڵا لە دەنگدانی تایبەت و گشتی تۆمارکراون و تاوەکو سبەی سەرجەم تانەکان یەکلایی دەکرێنەوە.

 

باکگراوند: 18 و 20ی ئەم مانگە دەنگدانی تایبەت و دەنگدانی گشتی بۆ هەڵبژاردنی پەرلەمانی کوردستان بەڕێوەچوو، دوو ملیۆن 87 هەزار و 972 کەس بەشدار بوون، 24 کاتژمێر دواتر کۆمیسیۆن ئەنجامی بەرایی 99.63%ی دەنگەکانی ڕاگەیاند.