سەیرکردنی فیلمی ترسناک بینەر لە هەستی نەرێنی ڕزگار دەکات

ئاڤا نیوز

 

بەشێکی زۆر لە بینەری فیلمە سینەماییەکان، فیلمی ترسناک دەکەنە هەڵبژاردەی خۆیان چونکە پێیان وایە لە هەستی نەرێنی ڕۆژانە ڕزگاریان دەکات و بێزار نابن.

 

وێنە گەورەکە: لە بەشێکی زۆر لە فیلمە ترسناکەکان، ئەو ئەکتەرانەی کە تووشی ڕووداوێکی ترسناک دەبن، وا لە بینەر دەکەن دواتر هەستێکی ئاسوودەیان بۆ دروست بێت لە ژیانی خۆیاندا بەمەش دەبێتە جێی ڕەزامەندی بینەری فیلمەکە.

 

بڵاوکراوەی فەرمی: بەپێی توێژینەوەیەک کە لەلایەن مامۆستایانی زانکۆی کوان لە ئوسترالیا بڵاوکراوەتەوە و دەرکەوتووە، فشاری دەروونی ڕۆژانە دەتوانرێت بەهۆی سەیرکردنی فلیمی ترسناکەوە کەم ببێتەوە. 

 

هۆکارە زانراوەکان: بەهۆی سەیرکردنی فلیمی ترسناک هەستەکانی ترس و وروژاندن، هۆرمۆنی سترێس دەردەچێت، جیا لەوەی فلیمە ترسناکەکان زۆرینەیان لە خەیاڵ درووست کراون بەڵام بە ڕێژەیەکی کەمیش بێت ڕاستیەکی تێدایە، ئەمەش وا لە بینەران دەکات زیاتر هۆشیار ببنەوە.
 
زانیاریی بەدەستهاتوو: توێژینەوەکان دەریانخستووە کە ئەو کەسانەی خاوەن کەسایەتیەکی تایبەتن مەیلیان بۆ فیلمە ترسناکەکان زیاترە، دوای تێپەڕبوونی ساتێکی ترسناک بەهۆی سەیرکردنی فیلمەکەوە، هەستی ئاسوودەیی بۆ بینەر دەخوڵقێت و چێژی لێوەردەگرێت.