فێستیڤاڵی فۆلکلۆری نمایشیی سەما لە مەراکش بەڕێوەچوو

ئاڤا نیوز

 

هەر گروپێک بەشێک لە کەلتووری وڵاتەکەی و وردەکاریی مێژووی وڵاتەکەی دەهێنێتە ئەو فێستیڤاڵە.

 

وێنە گەورەکە: فێستیڤاڵی فۆلکلۆری نمایشی سەما لە مەراکش، ماوەی چوار ڕۆژ دەخایەنێت کە چەندین گرووپی هونەری چالاکی جیاوازی تێدا ئەنجام دەدەن و تیشک دەخاتە سەر ئاشتیی و ڕۆڵی هونەر لە دروستکردنی لێکتێگەیشتن لە نێوان مرۆڤەکاندا.

 

زانیاریی زیاتر: فێستیڤاڵەکە زیاتر لە 700 هونەرمەند بەشداریان تێداکردووە کە نوێنەرایەتی زیاتر لە 30 گروپ دەکەن لە 22 وڵاتی جیهان، هەر گروپێک بەشێک لە کەلتووری وڵاتەکەی و وردەکاریی مێژووی وڵاتەکەی دەهێنێتە ئەو فێستیڤاڵە.

 

لێدوانی فەرمی: سورتیا نینگسی، ئەکتەری نمایشکاری ئەندەنوسی دەڵێت؛ ئەوە شانازییەکی زۆر گەورەیە بۆ بەرەوپێشبردنی کەلتوورەکەمان، ئێمە نوێنەرایەتی کەلتوورەکەمان دەکەین و بە هەموو خەڵکی مەراکشی دەناسێنین.

 

لەلایەکی دیکەوە: ئانیتا ڕاوشێرت، ئەکتەری نمایشکاری ئیرلەندی دەڵێت، پێموایە خەڵکی جیهان دەتوانن وەک خێزانێک بن ئەگەرهەموویان پێکەوە گۆرانی بڵێن و سەما بکەن.

 

باکگراوند: گروپێک لە ئیسپانا، ئێرلەندا، نەمسا و گروپێکی ناوخۆیی لە مەراکش لە یەکەم ڕۆژی فێستیڤاڵەکە بە نمایشی مۆسیقا و سەمای نەریتیی جەماوەرەکەیان دڵخۆش کرد.