مەسرور بارزانی: لەگەڵ خەڵک ڕاستگۆ دەبین و بە بەڵێنەکانی بانگەشە پابەند دەبین

ئاڤا نیوز

 

سەرۆکوەزیران مەسرور بارزانی، پارتی وەک حیزبی براوەی ئەم هەڵبژاردنە ڕاستگۆ دەبێت لەگەڵ پەیامەکانی خۆی، خەڵکی کوردستان دیاریکرد کە بۆ داهاتووی وڵاتەکەی چ حکومڕانییەکی دەوێت. 

 

وێنەگەورەکە: ئەمڕۆ 29-10-2024، 10ـەمین دیداری میری لە ژێر ناونیشانی "بەرەو حوكمڕانی دروست و خۆشگوزەرانی"، لە هەولێر بە بەشداری بەرپرسی باڵای ناوخۆیی و عێراقی و نێودەوڵەتیی بۆ ماوەی دوو ڕۆژ بەڕێوەدەچێت.

 

لێدوانی فەرمی: سەرۆكوەزیران مەسرور بارزانی لە كۆنفڕانسی مێری ڕایگەیاند:”بەشداری ڕێژەی 72%ی دەنگدەران لە هەڵبژاردن، دەرخەری ئەوەیە کە خەڵکی هەرێمی کوردستان باوەڕیان بە پڕۆسەی دیموکراسی هەیە، لەم پڕۆسەیەشدا خەڵکی کوردستان دیاریانکرد کە چیان دەوێت هەر بۆیە پارتی وەک حیزبی براوەی ئەم هەڵبژاردنە ڕاستگۆ دەبێت لەگەڵ پەیامەکانی خۆی.

 

لەلایەکی دیکەوە: سەرۆکوەزیران مەسرور بارزانی باسی لە کارەکانی کابینەی نۆیەمیش کرد و ڕایگەیاند: دروستکردنی هەلی کاری یەکسان دەستکەوتی کابینەی نۆیەم بووە، بەڵام بە قۆناغی کۆتایی نەگەیشتوون، لەم کابینەیەشدا واستە و واستەکاری نەهێڵدراوە، بەڵکو کار لەسەر ئەوە کراوە هەلی کاری یەکسان بڕەخسێنرێت.