وەزیری دارایی ئیسرائیل: بەهۆی شەڕی حیزبوڵڵاوە زیانی سێ ملیار دۆلار بەر وڵاتەکەمان کەوتووە

ئاڤا نیوز 

 

لە دوای چڕبوونەوەی شەڕی نێوان حیزبوڵڵا و ئیسرائیل، تێچووی جەنگ بۆ ئیسرائیل زیادی کردووە، هەروەها گەشەی ئابووری تەلئەبیب کەمیکردووە.

 
وێنە گەورەکە: لە سەرەتای مانگی ئۆکتۆبەری ئەمساڵەوە ئیسرائیل هێرشی زەمینیی بۆ سەر لوبنان دەستپێکر، ئەمەش بووەتە هۆی ئەوەی زیانێکی زۆری ئابووری بەر ئیسرائیل بکەوێت و گەشەی ئابووری وڵاتەکە خاوبکاتەوە و تێچووی شەڕیش بە چەند ملیار دۆلارێک دەخەمڵێنرێت.

 

ڕاگەیێندراوی فەرمی: بێزالێل سمۆتریچ، وەزیری دارایی ئیسرائیل سەبارەت بە لایەنی دارایی جەنگی ئیسرائیل و حیزبوڵڵا دەڵێت: "لە سەرەتای مانگی ئەیلوولەوە ئیسرائیل نزیکەی سێ ملیار دۆلاری بۆ ئەم شەڕە خەرج کردووە کە بووەتە هۆی دابەزینی گەشەی ئابووری وڵاتەکەمان".

 

زانیاریی زیاتر: ئابووریناسان لەو باوەڕەدان ئەگەر  شەڕی ئیسرائیل و بەرەی مقاوەمە بوەستێت، ڕێژەی گەشەی ئابووری ئیسرائیل بۆ ساڵی 2025 دەگاتە 4.3٪، لە هەمانکاتدا دەڵێن: ئەگەر شەڕ بەردەوام بێت، ڕێژەی گەشەی ئابووریی ئیسرائیل بۆ ساڵی 2025 تەنیا 3.4٪ دەبێت.