گرووپی کۆمپانیاکانی سەیف هۆڵدینگ چەندین ئۆفەر پێشکەش بە هاووڵاتییان دەکات

ئاڤا نیوز

 

پێنجەمین پێشانگەی نێودەوڵەتیی خانووبەرە لە هەولێر بە بەشداریی چەندین کۆمپانیایی ناوخۆی و بیانی کرایەوە، یەکێک لە کۆمپانیایە دیارەکانیش گرووپی کۆمپانیاکانی سەیف هۆڵدینگە کە چەندین ئۆفەری جیاوازیان پێشکەش بە کڕیاران کردووە. 

 

وێنە گەورەکە: پێشانگەی نێودەوڵەتیی خانووبەرە ساڵانە لە هەولێری پایتەخت دەکرێتەوە، دەرفەتێک دەڕەخسێنێت بۆ ئەو کەسانەی دەیانەوێت ببەنە خاوەنی خانوو یاخود شووقەی تایبەتی خۆیان، کۆمپانیا بەشدارەکانیش چەندین ئۆفەری جیاواز پێشکەش بە کڕیاران دەکەن.

 

زانیاریی زیاتر: ڕۆژی سێشەممە سەرۆكوەزیران مەسرور بارزانی، پێنجەمین پێشانگەی نێودەوڵەتیی وەبەرهێنانی خانووبەرەی لە هەولێر کردەوە و بەشە جیاوازەکانی بەسەرکردەوە.

 

ئەوەی پێویستە بیزانیت: پێشانگەکە بە سپۆنسەری میدیایی ئاڤا بەڕێوەدەچێت، 260 کۆمپانیا لەسەر ئاستی 15 وڵات بەشدارن و چوار ڕۆژ بەردەوام دەبێت بڕیارە ڕۆژی هەینی کۆتا ڕۆژی بێت. 

 

زانیاریی زیاتر:  گرووپی کۆمپانیاکانی سەیف هۆڵدینگ کە حەوت کۆمپانیا لە بواری جۆراوجۆر لەخۆ دەگرێت، بەشداریی لە پێشانگەکە کردووە و چەندین ئۆفەری جیاوازی پێشکەش کردووە، یەکێک لە کارەکانیان بۆ ئەو کەسانەی سەردانیان دەکەن ئەوەیە هەر کەسێک پارەشی لەبەردەست نەبێت، ئەوان بە چەند ڕێگەیەکی جیاواز هەوڵدەدەن شووقە و ئۆتۆمبێلیان بۆ دابین بکەن بە قیستی درێژخایەن.