هۆشدارییەک لە حکومەتەوە لەبارەی کەشوهەوا؛ خۆتان بپارێزن

ئاڤا نیوز

حکومەتی هەرێمی کوردستان هاووڵاتیان لە شەپۆلێکی بارانبارین ئاگادار دەکاتەوە و داوا دەکات خۆیان بپارێزن و سەردانی ناوچە شاخاوییەکان نەکەن. 

ڕاگەیێنراوی فەرمی: حکومەتی هەرێمی کوردستان ڕایدەگەیێنێت: ئاگاداربن؛ ڕۆژانی شەممە و یەكشەممەی هەفتەی داهاتوو لێزمەبارانە، بۆ پاراستنی خۆتان و خێزانەكانتان، سەردانی سەیرانگە و ناوچە شاخاوییەكان مەكەن و خۆتان بپارێزن.

لەلایەکی دیکەوە: شێخ دارا، پێشكەشكاری كەشوهەوای ئاڤا چەند زانیارییەك سەبارەت بە پێشبینییەكان بۆ كەشوهەوای ڕۆژانی داهاتوو ئاشكرا دەكات و دەڵێت، لە سبەی هەینییەوە شەپۆلێكی بارانبارین هەرێمی كوردستان دەگرێتەوە و چەند ڕۆژێك بەردەوام دەبێت.

ئەوەی پێشبینی دەکرێت:  شەپۆلەکە ڕۆژانی شەممە و یەكشەممە بەردەوام بێت، ئەگەری دروستبوونی باران و هەورەبروسكە هەیە و مەترسیش هەیە لافاو لە چەند شوێنێك دروست بێت.