سەرۆکی نوێی ئەنجوومەنی پارێزگای دیالە هەڵبژێردرا

ئاڤا نیوز

ئەنجوومەنی پارێزگای دیالە بە ئامادەبوونی 10 ئەندام کۆبووەوە، نزار لهێبی وەک سەرۆکی نوێی ئەنجوومەنەکە لە جێگەی عومەر کەڕەوی هەڵبژێردرا.

 

چیرۆکی سەرەکی: ڕۆژی سێشەممەی ڕابردوو، ئەنجوومەنی پارێزگای دیاله بە زۆرینەی دەنگ بە تۆمەتی "کەمتەرخەمی" متمانەی لە عومەر کەڕەوی، سەرۆكی ئەنجوومەنەكە وەرگرتەوە، له‌ به‌رامبه‌ردا کەڕەوی بڕیاره‌کەی ڕه‌تکردەوە و بە نایاسایی ناوی برد.

 

لێدوانی فەرمی: نزار لهێبی، سەرۆکی نوێی ئەنجوومەنی پارێزگای دیالە دوای هەڵبژاردنی ڕایگەیاند: بەردەوام دەبین لە ئاوەدانکردنەوەی پارێزگاکە و گەیاندنی خزمەتگوزاری بۆ هەموو ناوچەکان.

 

ئەمەش بزانە: بەگوێرەی ڕێککەوتن، پۆستی سەرۆکی ئەنجوومەنی پارێزگای دیالە پشکی سوننەیە و بەپێی ياساى پارێزگا رێكنەخراوەكان لە هەرێمێكدا ئەنجوومەن دەسەڵاتی لابردنی سەرۆكی ئەنجوومەن و جێگرەكەی هەیە بە زۆرینەی دەنگ لەسەر داوای سێیەكی ئەندامان.