شەپۆلێکی بارانبارین ڕوو لە هەرێمی کوردستان دەکات

ئاڤا نیوز

 

پێشبینی دەکرێت شەپۆلێکی بارانبارین ڕوو لە سەرجەم ناوچەکانی هەرێمی کوردستان بکات، شێخ داراش دەڵێت "ڕێژەی بارانبارین لەنێوان 60 بۆ 85 ملیم دەبێت".

 

لێدوانی فەرمی: شێخ دارا، پێشکەشکاری کەشوهەوای ئاڤا، ڕایگەیاند: لە چاو ڕۆژانی ڕابردوو پلەکانی گەرما دوو پلەی سیلیزی دابەزیوە و ڕادەی شێ زۆر زیادی کردووە، ئەمشەو شەپۆلێکی بارانبارین دێتە ناو عێراق و هەرێمی کوردستانەوە، مەترسی لافاو هەیە.

 

شێخ دارا گوتی: شەپۆلێکی دیکەی بارانبارینیش لە دەریای سپییەوە لێمان نزیک دەبێتەوە، بەوهۆیەشەوە بارانبارینی بەخوڕ لە سلێمانی و هەڵەبجە و دهۆک و زاخۆ و شنگال دەبێت و لەسەرانسەری ناوچە شاخاوییەکانیش بەفر دەبارێت.

 

زانیاریی زیاتر: هەر بەپێی قسەکانی شێخ دارا، بارانبارین لە دوانیوەڕۆی ڕۆژی هەینی دەستپێدەکات تاوەکو ڕۆژی سێشەممە بەردەوام دەبێت، ڕێژەی بارانبارینەکەش لەنێوان 60 بۆ 85 ملیم دەبێت، لە ناوچەکانی گەرمیان و دەوروبەری سلێمانی و هەولێر و مەخمور ئەگەر هەیە پەلە بدات.