شێخ دارا لەبارەی بارانبارینەوە هۆشداری دەدات

ئاڤا نیوز

 

بەگوێرەی پێشبینییەکانی کەشوهەوا لە ئەمشەوەوە شەپۆلێکی بارانبارین سەرجەم ناوچەکانی هەرێمی کوردستان دەگرێتەوە، بە گوتەی شێخ دارا "ڕێژەی بارانبارین لە 30 بۆ 60 ملیم مەتر دەبێت".

 

لێدوانی فەرمی: شێخ دارا، پێشکەشکاری کەشوهەوای ئاڤا، ڕایگەیاند: سبەی بارانی بەخوڕ لە سەرانسەری هەرێمی کوردستان دەبارێت و هەورە بروسکەی زۆری لەگەڵدا دەبێت، بۆیە پێویستە خەڵک ئاگاداربن تاوەکو زەرەر و زیانی زۆر نەبێت.

 

شێخ دارا دەڵێت: ڕێژەی بارانبارین لە هەولێر لەنێوان 40-50 ملیم، سلێمانی 50-60 ملیم، دهۆک 30 ملیم دەبێت.

 

زانیاریی زیاتر: بەگوێرەی زانیارییەکانی شێخ دارا، ئەو بارانەی لە ئیدارەی سەربەخۆی گەرمیان باریوە پەڵەی داوە.

 

ئەوەی پێویستە بیزانیت: سبەی بەهۆی تەمومژەوە مەودای بینین لەنێوان 100-500 مەتر دەبێت، بۆیە پێویستە شۆفێران لە کاتی شۆفێریدا ئاگاداربن.