یەکەم قەزا لە هەرێمی کوردستان پشووی ڕاگەیاند

ئاڤا نیوز

بەڕێوەبەرایەتیی پەروەردەی سەیدسادق بەهۆی نالەباری کەشوهەوا وەکو یەکەم ناوچە لە هەرێمی کوردستان پشووی ڕاگەیاند.

ڕاگەیێنراوی فەرمی: بەڕێوەبەرایەتیی پەروەردەی سەیدسادق ڕایگەیاند، دوای گفتوگۆ لەگەڵ قائیمقامی قەزای سەیدسادق، لەپێناو سەلامەتی قوتابیان و خوێندکاران، بڕیارمان داوە بەهۆی ئەو شەپۆلە بارانبارینەی ناوچەکەی گرتووەتەوە، سبەی یەکشەممە لە سەرجەم ناوەندەکانی خوێندن پشوو بێت. 

 

وێنە گەورەکە:  شەپۆلێکی بارانبارین هەرێمی کوردستانی گرتووەتەوە و بەپێی پێشبینییەکان لە ئەمشەوەوە تاوەکو سبەی ئێوارە شەپۆلەکە چڕ دەبێتەوە، لە هەندێک شوێن مەتەرسی دروستبوونی لافاو هەیە، بۆیە لە چەند ناوچەیەک بەتایبەت لە ناوەندەکانی خوێندن لە هەڵەبجە، هەڵەبجەی شەهید و پێنجوێن کراوەتە پشوو. 

 ‌