یاریدەدەری زانکۆی ڕاپەڕین دەستی لەکار کێشایەوە

ئاڤا نیوز

 

یاریدەدەری سەرۆکی سەرۆکی زانکۆی ڕاپەڕین بەهۆی ناڕەزایی و گردبوونەوەی فەرمانبەران و مامۆستایانی زانکۆ، دەستی لەکار کێشایەوە.

چیرۆکی سەرەکی: دوای  ناڕەزایەتیی و گازەندەی بەشێک لە مامۆستا و فەرمانبەرانی زانکۆی ڕاپەڕین، لەبارەی خزم و کەسی بەرپرسانی زانکۆ بە گرێبەست، ئەمڕۆ د. پێشەوا حەمید، یاریدەدەری سەرۆکی زانکۆی ڕاپەڕین بەهۆی دەستێوەردانی حیزبییەوە دەستی لە کار کێشایەوە.

 

ڕاگیێنراوی فەرمی: د. پێشەوا حەمید ڕایگەیاند: پەیوەندیان پێوەکردم و گوتیان بەڵێنی دامەزراندنی بە گرێبەستمان پێدراوە و ناوی سیانی براکەم و بڕوانامەیان بۆ بنێرم، کە 14 ساڵە دەرچووی زانکۆیە، دوای گەڕانەوەی لیستی ناوەکان بۆم دەرکەوت لە چوارچێوەی وانەبێژی کارەکە کراوە.

 

د.پێشەوا حەمید دەڵێت: 'بەهیچ شێوەیەک ئاگاداری وردەکاریی دامەزراندنەکە نیم، بەڵام بۆ ڕێزگرتن لە کەسایەتی خۆم لێرەوە دەستلەکارکێشانەوەم لە پۆستی یاریدەدەری سەرۆکی زانکۆی ڕاپەڕین ڕادەگەیێنم'.

 

زانیاریی زیاتر: بە فەرمانی ئەنجوومەنی وەزیران لە ڕیککەوتی 6-10-2024، بەشێوەی گرێبەست 395 وانەبێژ بۆ زانکۆی ڕاپەڕین دامەزران، بەڵام گەندەڵی لە دامەزراندنەکە کراوە، بە جۆرێک تەنیا 147 وانەبێژی فیعلی دامەزراون و 248 کەسی دیکە لەلایەن بەرپرسانی یەکێتییەوە بە تەزکیەی حیزبی دامەزرێنراون.