چوارچێوەی هەماهەنگی بە ئامادەبوونی سوودانی چەند پرسێک یەکلا دەکاتەوە

ئاڤا نیوز

چوارچێوەی هەماهەنگی شیعەکان بەئامادەبوونی سەرۆکوەزیرانی عێراق کۆدەبێتەوە، پرسی دەرچواندنی ئەو یاسایانەی ناکۆکییان لەسەرە لەگەڵ دۆسیەی گۆڕانکاریی وەزاری لە حکومەتەکەی سوودانیدا، تەوەری سەرەکی کۆبوونەوەکە دەبن.

 

وێنە گەورەکە: چوارچێوەی هەماهەنگی کە چەتری کۆکەرەوەی زۆرینەی هێزە شیعەکانە جگە لە ڕەوتی نیشتیمانی شیعی (ڕەوتی سەدری پێشوو)، بەشێوەی خولی کۆدەبێتەوە و کاروبارەکانی پەرلەمان و حکومەت تاوتوێ دەکات و بڕیاری پێویستیان لەسەر دەدات.

 

ڕآگەیێنراوی فەرمی: بەشی ڕاگەیاندنی چوارچێوەی هەماهەنگی بڵاویکردەوە، هێزە سیاسییەکانی ناو چوارچێوەی هەماهەنگی کۆبوونەوەی خولی خۆی لە ماڵی حەیدەر عەبادی، سەرۆکی هاوپەیمانی نەسر ئەنجام دەدات.

 

ئەوەشی خستوەتەڕوو، لە کۆبوونەوەکەدا دۆخی سیاسی وڵات، ناوچەکە و دەرچواندنی ئەو یاسایانە تاوتوێ دەکرێن کە بەهۆی ناکۆکییەوە لە پەرلەمان دەنگیان لەسەر نەدراوە.