زیاتر لە 78 ملیۆن ئەمریکی لە دەنگدانی پێشوەختەدا دەنگیان داوە

ئاڤا نیوز

 

بەر لە ڕۆژی هەڵبژاردن، زیاتر لە 78 ملیۆن دەنگدەر لە ئەمریکا لە دەنگدانی پێشوەختە دەنگیان داوە کە ژمارەی ئەو دەنگدەرانەی بەشداریی دەنگدانی پێشوەختەیان داوە، لە ئاستی ئاسایی زیاترە.

 

وێنە گەورەکە: زیاتر لە 78 ملیۆن دەنگدەر لە ئەمریکا بەشداریی پێشوەختەیان لە هەڵبژاردنی سەرۆکایەتیی ئەمریکا کردووە، ئەمەش لەبەر ئەوەی لە ئەمریکا دەنگدەران دەتوانن بەر لە ڕۆژی هەڵبژاردن بەشداریی دەنگدان بکەن و دەنگ بدەن.

زانیاریی زیاتر: ژمارەی ئەو کەسانەی کە لە دەنگدانی پێشوەختەدا دەنگیان داوە لە ئاستی ئاسایی زیاترە، بەڵام کەمترە لەو 101 ملیۆن کەسەی کە لە کاتی هەڵبژاردنی 2020 و بە هۆی کۆرۆناوە پێشوەختە دەنگیان دا.

 

ژمارەکان وادەڵێن: ئەمساڵ 78 ملیۆن کەس لە ئەمریکا بەشداری دەنگدانی پێشوەختەیان کردووە، لە هەڵبژاردنی ساڵی 2016 نزیکەی 47.2 ملیۆن و لە ساڵی 2012ـش 46.2 ملیۆن کەس پێشوەختە دەنگیان دا.

ئەوەی پێویستە بیزانیت: ڕۆژی 5ـی نۆڤەمبەر هەڵبژاردنی گشتی ئەمریکا بەڕێوە دەچێت و ترەمپ یان هاریس دەبێتە 47ـەمین سەرۆکی ئەمریکا.