دوای نزیکەی چوار مانگ ئەنجوومەنی پارێزگای کەرکووک کۆدەبێتەوە

ئاڤا نیوز 

 

ئەنجوومەنی پارێزگای کەرکووک کۆدەبێتەوە دوو تەوەر تاوتوێ دەکرێن، هاوکات پارتی دیموکراتی کوردستان، سێ ئەندامی هاوپەیمانی عەرەبی و بەرەی تورکمانی بەشداری ناکەن.

 

وێنە گەورەکە: ماوەی چوار مانگە ئەنجوومەنی پارێزگای کەرکووک هەڵبژێردراوە و تاوەکو ئێستا هیچ پڕۆژەیەک لە ئەنجوومەنەکە باسنەکراوە، حەوت ئەندامی ئەنجوومەنەکە بایکۆتی کۆبوونەوەکانیان کردووە و چاوەڕێی یەکلایی بوونەوەی سکاڵاکانیان لە دادگەی فیدڕاڵی و دادگەی ئیداری بەغدا دەکەن.

 

ئەوەی پێویستە بیزانیت: کۆبوونەوەی ئەنجوومەنی پارێزگای کەرکووک کاتژمێر 12:00ی نیوەڕۆی ئەمڕۆ سێشەممە دەکرێت، دوو تەوەر باسدەکرێن، پێنج ئەندامی یەکێتی، سێ ئەندامی عەرەب و یەک کۆتای کریستیان بەشداری دەکەن.

 

لێدوانی فەرمی: د. ئەحمەد کەرکووکی، ئەندامی فراکسیۆنی یەکێتی لە ئەنجوومەنی پارێزگای کەرکووک بە ئاڤا نیوزی گوت، "تەوەری یەکەم پەیوەست دەبێت بە مێوانداریکردنی فەرمانگەی ئەندازیاری نیشتەجێی پڕۆژە و ڕاوێژکاران بۆ بۆ دیزاینی پڕۆژەی بنەڕەتی شاری کەرکووک، لە تەوەری دووەم فەرمانگەی دابەشکردنی کارەبا مێوانداریدەکرێت بۆ خزمەتگوزاری و کۆکردەنەوە."

 

لەلایەکی دیکەوە: بەگوێرەی زانیارییەکانی ئاڤا، فراکسیۆنی پارتی، بەرەی تورکمانی و سێ ئەندامی هاوپەیمانی عەرەبی لەو کۆبوونەوەیە بەشداری ناکەن و بایکۆتیان کردووە.