ئەنجامی هەڵبژاردنی سەرۆکایەتیی ئەمریکا لە گوندێکی ئەو وڵاتە

ئاڤا نیوز

 

لە گوندێکی ئەمریکا دەنگدان بۆ هەڵبژاردنی سەرۆکایەتیی ئەمریکا بەڕێوەچوو و ئەنجامەکانیش راگەیێنران.

 

چیرۆکە سەرەکییەکە: وەک نەریتێک کە لە ساڵی 1960ـەوە پەیڕەو دەکرێت دەنگدان لە گوندی 'دیکسڤیل نۆچ' لە ویلایەتی نیو هامپشێر لە سەر سنووری کەنەدا دەنگدان لە دوای نیوەی شەوەوە دەستپێدەکات. دەنگدەران دەچنە هۆتێلێک بە ناوی 'بالسامس هۆتێل' لەوێ دەنگ دەدەن.

 

زانیایی زیاتر: بە گوێرەی ئەنجامەکان، کە لە دوای داخستنی سندووقەکانی دەنگدان ڕاگەیێنران، هەر یەکە لە ترەمپ و هاریس بە سێ دەنگ یەکسان بوون. لە هەڵبژاردنەکانی پێشوودا ئەم گوندە دەنگی بە دیموکراتەکان داوە. لە 2020 جۆ بایدن تەواوی پێنج دەنگەکەی بەدەستهێنابوو و لە 2016 هیلاری کلینتۆن لە کۆی حەوت دەنگ چوار دەنگیانی بەدەست هێنابون.

 

ئەوەی پێویستە بیزانیت: بەر لەوەی لە شوێنەکانی دیکەی ئەمریکا دەنگدان دەستپێبکات، لەم گوندە دەنگدان تەواو دەبێت و ئەنجامەکانیش ڕادەگەیێنرێن.