ترەمپ: شارە داگیرکراوەکانی ئەمریکا ڕزگار دەکەین

ئاڤا نیوز

دۆناڵد ترەمپ، کاندندی کۆمارییەکان بۆ سەرۆکایەتی ئەمریکا لەدواین بانگەشەی هەڵبژاردن لە ویلایەتی پەنسیلڤانیا وتی "ئەمریکا لەلایەن پەنابەرانەوە داگیرکراوە، پێویستە دوای دەرچوونمان شارەکانی ئەمریکا ڕزگار بکەین".

 

وێنە گەورەکە: لەماوەی بانگەشەی هەڵبژاردن، یەکێک لەو تەوەرانەی ترەمپ وەک ڕەخنە بەرامبەر دیموکراتەکان بەکاریهێنا پرسی هاتنی بەلێشاوی کۆچبەرانی نایاسایی بووە.

 

لێدوانی فەرمی: دۆناڵد ترەمپ ڕایگەیاند، ئەوەی ئێستا لە ئەمریکا ڕوودەدات هێرشی سەربازییە بەبێ جلی یەکپۆشی سەربازی، بەڵێنیدا دوای دەرچوونی هەڵمەتێکی بەرفراوانی دیپۆرتکردنەوە دەستپێبکات، هاوکات ئەوەش دەڵێت کە بەهۆی کۆچبەرانەوە تاوانەکان زیادیان کردووە، بۆیە سوێندی خوارد کە "کۆمەڵکوژی ئەمریکیەکان" بوەستێنێت.

 

زانیاریی زیاتر: دۆناڵد ترەمپ لەسەر ئەم بابەتە هەڵوێستەکانی توندتر کرد ئەو کاتەی وتی، داوای لەسێدارەدان دەکەم بۆ ئەو کۆچبەرانەی ئەمریکیەکان دەکەنە ئامانج و دەیانکوژن.