خامنەیی: بەرەی مقاوەمە بەردەوامە و سەردەکەوێت

ئاڤا نیوز

 

عەلی خامنەیی، ڕێبەری کۆماری ئیسلامی ئێران ڕایگەیاند، بەردەوامیی بەهێزی جیهاد لە لوبنان و غەززە دەبێتە هۆی سەرکەوتنی بەرەی مقاوەمە و بەرەی ڕاست.

 

وێنە گەورەکە: دوای هێرشە ئاسمانییەکانی ئیسرائیل بۆ سەر ئێران، تاران بەڵێنی وەڵامدانەوەی ئەو هێرشانەی داوە و چەند ڕۆژێک پێش ئێستاش عەلی خامنەیی هەڕەشەی وەڵامێکی توندی دژی ئیسرائیل کرد. 

 

لێدوانی فەرمی: عەلی خامنەیی، ڕێبەری کۆماری ئیسلامی ئێران ڕایگەیاند: جیهان بە ڕوونی دەبینێت کە چۆن ئیسرائیل بە دەستی ئێران تێکدەشکێت. هاوکات گوتی، کەسایەتییە دیارەکانی حیزبوڵڵا لە ژیاندا نین، بەڵام ئەو حیزبە بەردەوامە لە بەرگریکردن و ئەو لایەنەی پێیان وایە لاوازە هەڵەن''.

 

زانیاریی زیاتر: لە بارەی دۆخی فەڵەستین خامنەیی گوتی، ''بەرەی مقاوەمە لە ساڵی 2009ـەوە نۆ جار ڕووبەڕووی هێرشی ئیسرائیلی بۆتەوە و سەرکەوتوو بووە، ئێستاش لەو کاتە بەهێزترە''.